Applications? Thalla agus c*c!

Gu dearbh, Facebook, thalla agus c£c! Tha mi seachd searbh sgìth den a h-uile pìos sgudal a tha daoine a cuir thugam air Facebook agus Bebo an-dràsta. Bha mi dòigheil gu leòr le na applications mar Scrabulous agus rudan mar an deuchainn IQ ach a-nis tha mi air mo bhàthadh leis na tha daoine a cuir thugam.

B’àbhaist do Bhebo a bhith nas saorsa agus nas sgiobalta ach a-nis tha Bebo cuideachd air na applications garbh seo a thoirt air bòrd. A h-uile latha feumaidh mi fhèin a shlaodadh tron na iarrtasan a tha tighinn bho gach caraid agus tha mi cuir caisg orra an uairsin gus nach faigh mi iad a-rithist – cuir caisg air na applications, chan e mo charaidean, chan eil mi cho searbh ri sin!

“Cò an charactar bho Sex and the City a tha thu is coltach ris?” “Cò an character bho Ran-dan a tha thu is coltach ris?” A h-uile latha tha fear ur ann a feitheamh dhomh. Ceistean. Fad na h-ùine. Ceist as dèidh ceist as dèidh ceist.

’S toil leam Scrabulous ged thà. Tha e toirt oirt smaoineachadh. Ach feumaidh tu cluich an aghaidh caraidean a tha soirbheachail airson Scrabble, agus chan eil mòran dhuibh sin agamsa. ’S toil leam an deuchainn IQ cuideachd, tha mise tric a seasamh aig mullach an bòrd a tha cumail an sgor agus mar sin tha toirt orm gàire a dhèanamh!

Mar sin, ann an co-dhùnadh, chan urrain dhomh càil a ràdh ach applications – thalla agus c@c!