Sgleog

“Why make money from making art when you can make money by making money”


Le ainm snasail mar “The Counterfeiters” shaoilleadh tu gum biodh film spaideil mar “The Sting” no “The Colour of Money” na chois ach tha am film seo nas coltaiche ri “Schindler’s List” na film sam bith eile a tha mi air fhaicinn. Tha e stèidhichte air sgeul fìor agus mar sin tha am film nas làidire air a shon.
Tha am film a’ fosgladh le duine coiteanta, Sally (neo Salomon) Sorowitsch, a’ cosg tòrr airgead brèige a rinn e fhèin ann am beatha làn boireannaich agus pàrtaidhean anns a’ Ghearmailt ann an 1936, dùthaich a tha fhathast fo sgàil nan Nazis. Cho luath sa tha cuideigin a’ cluintinn gur e Iùdhach a th’ ann ge-tà tha na poileas a’ tighinn ga ghlàcadh agus tha e air a chuir air falbh gu na càmpaichean choncentration.
Chuireadh Nazi às do phrìosanach Iudhach anns a’ bhad agus tha fios aig Sally gum b’fheudar dha sealltainn gu bheil e gu feum ma tha e dol a dh’fhaighinn tron dàrna chogadh. ’S e duine fèin-chùiseach a th’ ann an Sally Sorowitsch agus anns an àrainneachd sin agus ’s e trèithe uabhasach cudromach a tha sin airson a chumail beò.

Nuair a tha e air a ghluasad gu càmpa ùr, tha na Gearmailtich a’ toirt sgioba làn de dhaoine ealanta do Sally airson a chuideachadh le bhith cruthachadh airgead brèige airson na Gearmailtich. Tha seo a’ cur a h-uile duine anns an sgioba ann an suidheachadh doirbh oir, ann an teis-meadhan càmpa choncentration far a bheil daoine a’ bàsachadh mun chuairt orra gach latha, tha an sgioba seo a’ fuireach ann an leabanan comhurtail, le biadh math fiù ’s le toìtean agus an àite a bhith sabaid airson nan Iudhaich tha iad a’ cuideachadh nan daoine a tha gar cumail.
Film làidir làn eu-dhòchas a tha seo far a bheil feum air daoine na beathanan àca fhèin a chur an aghaidh beathanan an saoghal gu lèir. Dh’fhaodar don saoghal a bhith àite gu tùr eadar-dhealaichte an-diugh ach airson na rinn na daoine seo airson màc an duine.

5/5