Se seo a’chiad film aig MacKenzie Crook far an do chluich e am prìomh pàirt agus chan eil mi a creidsinn gum faigh e an cothrom a-rithist as deidh am film seo. Tha e fada nas fhearr a’cluich am pàirt a th’aige anns an “Office” neo ann am “Pirates of The Caribbean”… Ma dheanas iad film air Thundercats, ’s doch gum bitheadh e math an caractair Mum-raa a chluich ach chan eil na sgillean chleasaiche làidir gu leor airson film math a dheanamh bhon sgriobt lag tha seo... neo am prìomh pàirt a’chluich.
Tha “Three and Out” mar da film dhona a tha air a bhith stoigte ri cheile le sellotape lag. Tha a chiad leth dheth slaodach agus mi-chomurtail a choimhead agus chan eil e math gu leor a bhith ga chuir fon bhràtach “Comadaidh Dorcha”. Tha an dàrna leth nas fhearr ach tha e gluasad nas fhaide air falbh bho Comadaidh dhorch agus nas fhaisge air iris do Bhallykissangel.
Tha dà rud math ri radh mu dheidhinn am film seo gu tà! Tha Colm Meaney uabhasach math a cluich duine feargach gun dachaidh agus tha Gemma Arterton dìreach àlainn a choimhead… Ciamar a rinn ì sealladh muinnearachd le MacKenzie crook gun a bhith bochd, chan eil fhios agamsa. As dèidh dhomh an sealladh shiud fhaicinn tha e furasta gu leòr a bhith cantail le cìnnt gu bheil i math air actadh cuideachd agus tha e soillear mar an d’fhuair ì pàirt anns am film “James Bond” ùr “Quantum Of Solace.” (Bha ì math anns an còrr dhen fhilm cuideachd!)
Anns a’chiad coig mionaidean gu tà, bha fios agam dè bha dol a thachairt anns na coig mionaidean dheireanach… sin cho dona sa tha an sgrìobhadh. Chan ann trìc a tha mi a càinneadh film ach anns an gnìomhachais fhilmichean Breatannach, far nach eil mòran airgead a’dol mun cuairt, tha e uabhasach cudthromach gu bheil deagh sgriobt agad bhon toiseach agus tha e bochd gun deach am film seo a dheanamh.
