Artaigeal le: Eilidh NicFhraing
Mi Fhìn ann
am Fichead Bliadhna
Chan eil e idir soirbh a ràdh càit’ am bi mi ann am fichead bliadhna bhon
diugh. Ach fhad’s nach tig am pìos sgrìobhaidh seo a thadhal orm nuair a tha mi
trithead ’s a dha (agus a’ dèanamh rudeigin air leth diofraichte bho na bha mi
‘n dùil aig aois a dhà dheug), bheir mi tuairmse air na ni mi anns na
bliadhnaichean a tha romham.
Tha mi an dòchas cuideigin àrd, dorcha is
eireachdail a phòsadh a tha comasach air “hovering” a dhèanamh (‘s beag orm am
fuaim a bhios iad a dhèanamh – cho cinnteach ’s a tha mi beò chan atharraich a
ghràin a tha seo gu brath).
Nuair a thig e gu clann chan urrainn dhomh
càil a ràdh gu deimhinne. Feumaidh mi chànail an-dràsta ge-tà, tha càil fo
bhliadhna a dh’ aois a’ cur eagal mo bheatha orm. ‘S dòcha mun àm a ruigeas mi
trithead ‘s a trì gum bi mo phreasa aodaich glè eòlach air “maternity wear”. A
thaobh obair chòrdadh e rium gu mòr a bhith nam Trinny no Susannah agus a’
ceartachadh na mearachdan aig an dùthaich a-rèir an aodach. Le bhith fìrinneach
rium fhìn chan eil e uabhasach coltach gum bi mise air m’ aithneachadh air fead
na dùthcha mar eisimpleir de mar bu chòir dhut a bhith ga do sgeadachadh fhèin
agus mar nach bu chòir. Mar sin tha mi a’ smaoineachadh gum bu chòir dhomh
màthadh a dhèanamh ris a’ phlana agus tè eile a chruthachadh, tè a tha biodag
nas buailteach ri tachairt.
Bhitheadh obair aig iris a leithid Glamour no
Vogue dìreach na àirdeas de dh’ iomlanachd dhomhsa. Cha b’ urrainn dhomh
faighneachd airson càil nas fhèarr aig an ire seo. Bhitheadh m’ aislingean agus
mo bheatha còmhnard taobh ri taobh.
‘S docha, ma bha mi ga
fhaireachdainn duilich bith-beò a dhèanamh anns an obair seo a-mhàin gun
deanainn oidhirp air a’ ‘phroperty ladder’ a shreap. An uairsin ma thèid mo
chùrsa-bheatha mar sgrìobhadair-fasan ceàrr bith seo fodham mar chluasag airson
mo dhìon. ‘S ma nì mi gu leòr buannachd bho bhith a’ ceannach thaighean, gan
deanadh nas fhèarr is gan reic a-rithist, tha mi a’ smaointinn gun ceannaich mi
tè (no dhà) dhomh fhìn. Cha chuirinn sìos chateau anns na h-Alps no apartment
ann am Paris no flat air Sràid Oxford no villa anns an Eadailt…! Co-dhiù ‘s
fhèarr dhomh stad, chan eil deireadh ris an liosta seo fhathast is cha bhi
airson ùine math ri thighinn!
An uairsin bhitheadh mo dhòchasan gun
teagamh tearainte teann. Cumaidh mi greim teann air a’ Ghàidhlig. Cha leig mi às
I gu siorraidh oir ma spreadhas a h-uile càil eile air ais nam aodann tha mi
cinnteach gum faigh mi obair anns an t-Sabhal Mhòr aig Cànan, Comunn na Gàidhlig
no an àiteigin dhen t-seòrsa sin.
Chan eil mi fhathast ach dusan
bliadhna agus mi cho teagmhach agus m’ inntinn ag atharrachadh mar ‘ugh air
truinnsear’. Thèid a’ phlana seo atharrachadh gu mòran chruthan mus bith mise
toilichte leis ach tha dà rud gu deimhinne cinnteach – Bith Gàidhlig agam agus
bith gràdh dhomhainn agam do bhrogan!
