Roland Garros (An Open Frangach)

Air an deireadh sheachdain, chaidh an cuairt dheireannach aig Roland Garros air a chluich. Bha daoine an dùil Justine Henin fhaicinn, ach stad i a cluich dìreach dà sheachdain mus do thoisich an co-fharpais. Leis an sin, bha an co-fharpais gu tùr fosgailte airson cuideigin eile agus se Dinara Safina agus Ana Ivanovic a rinn a chùis an cuairt dheireannach. Cha do ruig Safina an cuairt mu-dheireadh do Ghrand Slam rìamh roimhe agus se an cluicheadair as ùra aig àireamh a h-aon bh’ann an Ivanovic.

Thoisich Ivanovic gu làidir, a bristeadh anns a chiad geama, agus an uairsin a rithist anns an còigeamh, a dhol suas 4-1. Ach an uairsin, bha coltas gu robh Safina dol a thighinn air ais, a bristeadh dà thuras i fhìn ach bhris Ivanovic airson an treas uair anns an 9mh geama, is bhuannaich i a chiad set 6-4. Bha a chuid de na shots aig Ivanovic dìreach eireachdail!

Thoisich Safina gu làidir anns an darna set, ach bhrist Ivanovic a-rithist anns an treas geama, is bha i a cluich gle mhath. Cha robh Safina comhurtail a cluich an geam' aice fhìn idir. Bha trioblaid aig an dithis aca ann am meadhan an set a cumail na serves àca a dol ach troimh geamaichean gu math fada, chum iad greim air na geamaichean serve aca. Ach an uairsin bhris Ivanovic anns an 9mh geama airson an set a ghabhail 6-3. Le sin, bhuannaich i a chiad Grand Slam aice 6-4 6-3.

Airson an treas bliadhna a' ruith se Rodger Federer agus Rafael Nadal a’ choinnich anns a chuairt mu-dheireadh. Cha robh Federer air a bhidh cho làidir am bliadhna sa tha e air a bhidh roimhe, is bha Nadal a coimhead gu math comasach anns an co-fharpais, gun set a chall.

Thoisich Nadal làn neart, a briseadh anns a chiad geama. Bhrist e a rithist anns an 5mh agus an 7mh airson a chiad set a ghoid 6-1. Bha Federer a fiachainn ri tighinn a steach dhan lìon, ach bha Nadal deiseal air a shon, is cha do dh’obraich am plana aig Federer idir.

Bhris Nadal anns an darna geama den darna set, ach bhrist Federer air ais anns an treas. Bha an luchd-coimhead gu tùr air cùl Federer, is thoisich e a cluich nas fhearr agus bha e an geama faisg air an lìon a toiseaechadh ri obrachadh nas fhearr. Ach bha Nadal ro làidir 's bhris e a rithist anns an 8mh geama, is bhuannaich e an set 6-3.

Ruith Nadal air falbh leis anns an treas set, a bristeadh anns a chiad, treas agus còigeamh geamaichean airson an set a bhuannachadh 6-0. Leis sin, bhuannaich e an co-fharpais an aghaidh an cluicheadair as fhearr san t-saoghal 6-1 6-3 6-0. Sin an 4mh bliadhna a bhuannaich e an co-fharpais Roland Garros, is chan eil e ach 22 bliadhna a dh’aois!