Crolaidh air an Loch
`S ann ann an 1979 a bha an maidse mòr no an ‘Bonspiel’ crolaidh mu dheireadh air loch ann an Alba, agus bha pailteas an dòchas gum biodh an dearbh maidse a tachairt airson a’ chiad turas ann an 30 Bliadhnaichean air Loch Menteith ann an sgìre Sruighlea aig toiseach an ath-sheachdain. Ach gu mi-fhortanach as dèidh coinneamh an-diugh chaidh aontachadh nach tachradh a’ cho-fharpais.
A thaobh na riaghailtean bho chòrr an deigh a bhith co dhiù 17.78 ciadameatair no 7 òirleach domhainn. Ach ged a bha an deigh tiugh gu leòr thuirt na seirbheisean èiginn nach biodh ùine gu leòr aca airson deasachadh na bhiodh aca ri dhèanamh airson sàbhailteachd agus slàinte ann an àm agus mar sin cha bhiodh e comasach dhan Cluba Crolaidh Chailleannach Rìoghail àrachas fhaighinn airson na co-fharpaise.
Thòisich an co-fharpais ann an 1837 agus thachair i gu bhith gach treas no ceathramh bhliadhna, ach leis an aimsir a fàs nas blàithe chan eil i air tachairt ach 3 tursan bhon an dàrna cogadh. Bhathar an dòchas gum biodh seo a comharrachadh an 39 co-fharpais bhon a thòisich i ann an 1837, còrr is 170 bliadhnaichean air ais ach gum mi fhortanach tha briseadh dlùth anns gach cridhe crolaidh as dèidh an naidheachd feasgair an-diugh.
Ach thathar an dòchas nach e seo crìoch an gnothach agus gum faic sinn an co-fharpais eachdraidheil seo a-rithist san àm ri teachd.
Air a stiùireadh/dhealbhadh le Cànan 